Një 35-vjeçare ka humbur jetën ndërsa bashkëshorti i saj dhe një person tjetër kanë mbetur të plagosur në një aksident të ndodhur në rrugën Sarandë-Qafë Botë, pranë Konispolit.
Viktima është identifikuar si Adriana Prendi ndërsa bashkëshorti Gëzim Prendi është plagosur e dërguar në spital.
Ky i fundit drejtonte mjetin, që ka dalë nga rruga.
Ata ishin banorë të fshatit Shëndëlli e punonin në Greqi. Ata po ktheheshin drejt vendit fqinj pasi kishin qenë në dasmën e vëllait të 35-vjeçares.
