Gazmend Bardhi, deputeti i PD, përmes një postimi në rrjetin social “X” ditën e sotme është shprehur se dikush apo diçka “i ka mbyllur gojën kryeministrit Rama në lidhje me SPAK-un”.
Postimin e ka shoqëruar edhe me një video të Kryeministrit ku ky I fundit është shprehur: E përsëris sot edhe një herë, atë që thashë në Kongres dhe ja përsëris SPAK-ut, realisht po hyni ne kohën shtesë të ndeshjes me të keqen në këtë vend dhe deri tani e keqja kualifikohet dhe ju skualifikoheni!
Ai shkroi se Rama nga asambleja në asamble i tregonte SPAK-ut vendin dhe si duhet ta bënte detyrën ndërsa më pas shkoi te “mbyllja e gojës pa bërë as gëk, as mëk”.
Kush apo çfarë ia mbylli gojën Edi Ramës për SPAK-un? 🤫 Nga Asamblea në Asamble, kur i tregonte SPAK-ut vendin dhe si duhet ta bënte detyrën tek mbyllja e gojës pa bërë as gëk, as mëk! 👇 pic.twitter.com/mbpE8O2YLX
— Gazment Bardhi (@GazmentBardhi) September 17, 2023
