Dy persona u plagosën në dy incidente me të shtëna pranë Qendrës Mjekësore Erasmus në Roterdam të Hollandës
Një zjarr ka shpërthyer edhe në vendin e ku ndodhën të shtënat.
Dëshmitarët raportuan se të paktën një person u arrestua në vendngjarje, por nuk ishte e qartë nëse ai ishte personi i armatosur. Në rrjetin X (ish-twitter) qarkullonte një video në të cilën një person po arrestohej pranë spitalit.
Policia konfirmoi arrestimin e të dyshuarit të vetëm. I dyshuari u identifikua si një 32-vjeçar nga Roterdami. Të paktën një person vdiq nga të shtënat, por policia nuk do të identifikonte menjëherë se kush u vra, apo sa njerëz vdiqën. Më herët, ishte e qartë se të paktën tre persona u plagosën në dhunën e së enjtes, përcjell NL Times.
Policia raportoi se një e shtënë ndodhi në një shtëpi në Heiman Dullaertplein dhe tjetra në një klasë në kompleksin e Qendrës Mjekësore Erasmus në Rochussenlaan.
I dyshuari ishte i armatosur me pistoletë, tha policia. Policia nuk ishte e sigurt nëse ai u largua nga vendi i ngjarjes me motor apo nëse ndodhej brenda spitalit. Ai u pa për herë të fundit i veshur me veshje policore të përshkruara si të stilit “luftarak”, si dhe një çantë shpine dhe kufje. Ai u përshkrua si i gjatë, në të njëzetat e tij dhe me flokë të zeza.
“Rreth orës 14:25, ne morëm disa raporte për një incident të shtëna në zonën e Rochussenstraat/Heiman Dullaertplein/Dr. Molenëaterplein. Jemi në vend me disa njësi”, shkruan policia e Roterdamit në një postim në platformën e mediave sociale X në orën 14:56.
