Meta Platforms po shqyrton një plan që mund t’i detyrojë përdoruesit në Bashkimin Evropian të paguajnë deri në 14 dollarë për të hyrë në variantet pa reklama të Instagram ose Facebook ose për të rënë dakord për reklama të personalizuara për variantet, raportoi Wall Street Journal.
Sipas planit, Meta do kërkonte afërsisht 10 euro në muaj për një llogari në Facebook ose Instagram të përdorur nga një kompjuter dhe rreth 6 euro për çdo llogari shtesë të lidhur, thuhet në raport, duke cituar njerëz të njohur me propozimin.
Në pajisjet celulare, çmimi për një llogari të vetme do shkonte në afërsisht 13 euro, sepse Meta do merrte parasysh komisionet e ngarkuara nga dyqanet e aplikacioneve të Apple dhe Google, tha WSJ.
Kompania e mediave sociale u gjobit me 390 milionë euro në fillim të këtij viti nga Komisioneri i Privatësisë së të Dhënave të Irlandës dhe i tha se nuk mund të përdorë të ashtuquajturën bazë ligjore të ‘kontratës’ për t’u dërguar përdoruesve reklama bazuar në veprimtarinë e tyre në internet.
Meta më pas tha se synonte t’u kërkonte përdoruesve në BE pëlqimin e tyre përpara se të lejonte bizneset të synonin reklamat në mënyrë që të adresonin një sërë kërkesash rregullatore në zhvillim në rajon.
Meta u ka thënë tani rregullatorëve evropianë se shpreson të nxjerrë planin pa reklama, të cilin e quan abonim pa reklama (SNA), në muajt e ardhshëm për përdoruesit në Evropë, thuhet në raport.
Një zëdhënës i Meta tha për WSJ se kompania beson në ‘shërbime falas të cilat mbështeten nga reklama të personalizuara’, por po shyqrton ‘mundësi për t’u siguruar që ne jemi në përputhje me kërkesat rregullatore në zhvillim’.
