Gjermania duhet të rishikojë urgjentisht paratë që shpenzon për ndihmën humanitare për palestinezët, duke pasur parasysh sulmet e vazhdueshme në shkallë të gjerë nga militantët e Hamasit ndaj civilëve izraelitë, tha të shtunën Ministri i Financave Christian Lindner.
“Terrorizmi i kryer kundër izraelitëve është tronditës. Ne duhet të reagojmë ndaj saj jo vetëm me fjalë,” tha Lindner, kreu i Partisë Demokratike të Lirë (FDP), për gazetën Ëelt am Sonntag.
“Prandaj shpresoj të marr një rekomandim nga ministri i Jashtëm se si shteti gjerman duhet të vazhdojë me mbështetjen financiare për palestinezët në dritën e kësaj dhune”. Ministri shtoi se çdo vendim në lidhje me ndihmën duhet të ‘zbatohet menjëherë’.
Sipas Lindner, Berlini transferoi 340 milionë euro në ndihmë humanitare dhe zhvillimore për palestinezët vetëm në 2021 dhe 2022.
