Faqja zyrtare në internet e Shërbimit Informativ të Shtetit është sulmuar nga hakerat rusë sipas Top Channel.
Një burim nga SHISH i tha gazetarit të Top Channel Muhamed Veliu, se kemi të bëjmë thjesht me një sulm që nuk lejon mundësi aksesi në faqen zyrtare web.
I njëjti burim konfirmoi se sulmi është vetëm në këtë faqe e cila nuk është e lidhur me serverat apo arkivën e SHISH.
Top Channel mëson se sulmi është ndërmarrë nga “IT Army of Russia”, ky APT pro-Rus me lidhje direkte me inteligjencën ruse.
Në postimin e tyre ata thonë: “Mirëmbrëma, CyberArmy! Ne vazhdojmë punën tonë modeste për Shqipërinë. Ne po mundohemi të rrëzojmë Shërbimin Informativ Shtetëror – policinë zyrtare të shtetit të Republikës së Shqipërisë.”
Ky sulm vjen pas atyre kibernetike të Iranit në Gusht të 2022-shit.
