Presidenti i Autoritetit Palestinez Mahmuod Abbas thotë se politikat dhe veprimet e Hamasit ‘nuk përfaqësojnë popullin palestinez’, raporton agjencia e lajmeve Wafa.
Duke folur me presidentin venezuelian Nicolas Maduro, Abbas tha se Organizata për Çlirimin e Palestinës është përfaqësuesi i vetëm legjitim i popullit palestinez.
Abbas gjithashtu bën thirrje për lirimin e ‘të burgosurve’ nga të dyja palët dhe përsërit pretendimin e tij se zhvendosja e banorëv të Gazës do përbënte një ‘Nakba të dytë’.
Agresioni izraelit kundër popullit palestinez duhet të ndalet, tha Abbas. Ky i fundit drejton fraksionin Fatah brenda Organizatës për Çlirimin e Palestinës (PLO).
Fatah dhe Hamasi, organizatat më të mëdha palestineze, kanë qenë në mosmarrëveshje që nga viti 2007, kur Hamasi islamik mori pushtetin në Rripin e Gazës me popullsi të dendur.
Ndikimi i Abbas në zonë është konsideruar i ulët që atëherë.
Ka pasur bisedime pajtimi mes dy grupeve prej vitesh po pa rezultat.
Hamasi është klasifikuar si organizatë terroriste nga Bashkimi Evropian, Shtetet e Bashkuara dhe Izraeli.
