Dy 15-vjeçarë janë konfliktuar me njëri-tjetrin ditën e sotme në qytetin e Shkodrës, teksa njëri prej tyre është plagosur me thikë.
Mësohet se adoleshenti i plagosur është dërguar menjëherë në spital, për ndihmë mjekësore, dhe ndodhet jashtë rrezikut për jetën.
Sakaq, 15-vjeçari tjetër u shoqërua në ambientet e DVP Shkodër dhe po merret në pyetje, në prani të prindit të tij dhe të psikologut.
Njoftimi i policisë:
Shkodër/Informacion paraprak
Rreth orës 11:00, salla operative e DVP Shkodër, është njoftuar se pas një konflikti mes dy 15-vjeçarëve, ishte lënduar me mjet prerës (biçak) njëri prej tyre.
Shtetasi i dëmtuar është dërguar menjëherë në spital, për ndihmë mjekësore, dhe ndodhet jashtë rrezikut për jetën.
15-vjeçari tjetër u shoqërua në ambientet e DVP Shkodër dhe po merret në pyetje, në prani të prindit të tij dhe të psikologut.
Mjeti prerës është sekuestruar në cilësinë e provës materiale.
Grupi hetimor vijon punën për përcaktimin e shkakut të këtij konflikti dhe sqarimin e rrethanave të tij.
