Gjykata ka pranuar gjykimin e shkurtuar për ish-sekretaren e përgjithshme të Ministrisë se shëndetësisë Joana Duro, e akuzuar për korrupsion.
Bashke me Duron nen akuzë edhe ish specialistja e nivelit te larte Laura Shteto, administratori kompanisë “Drikons” Vladimir Topi dhe inxhinieri Silvi Shehu. Seanca e radhës është caktuar për më 27 tetor, kur Prokuroria e Posaçme do të japë pretencën.
Duro u arrestua më 2 qershor të këtij viti për një tender modest prej rreth 7 milionë lekësh të vjetra nga Ministria e Shëndetësisë për restaurimin e qendrave shëndetësore. Ajo akuzohet nga SPAK për marrjen e një shume prej 4 milionë lekësh të vjetra ryshfet.
Përveç Duros, në pranga ra edhe Laura Shteto, me rol specialiste te zyra e prokurimeve. Në atë kohë, lajmi u dha fillimisht nga kryeministri Edi Rama dhe më pas nga SPAK.
