Komanda Qendrore e Shteteve të Bashkuara (CENTCOM) njoftoi të dielën se aeroplanmbajtësja USS Dwight D. Eisenhower lundroi nëpër ngushticën e Hormuzit dhe hyri në Gjirin Arabik.
“Më 26 nëntor, grupi i goditjes së transportuesit Eisenhoëer (IKECSG) përfundoi një kalim të ngushticës së Hormuzit për të hyrë në ujërat e Gjirit Arabik, ndërsa Grupi Sulmues vazhdon të mbështesë misionet e USCENTCOM”, tha CENTCOM në X.
IKECSG do patrullojë rrugën ujore strategjike, e vendosur në Gadishullin Arabik juglindor, për të siguruar lirinë e lundrimit, shtoi ai.
Pas sulmit të befasishëm të grupit palestinez Hamas më 7 tetor, i cili shënoi fillimin e një faze të re konfrontimi midis fraksioneve palestineze në Gaza dhe Izrael, Uashingtoni njoftoi forcimin e aftësive të Flotës së Pestë në rajon, misionet e së cilës shtrihen nga Deti i Kuq në Gjirin Arabik.
