Lufta izraelite në Rripin e Gazës ka lënë 26,700 njerëz të vdekur dhe të zhdukur që nga 7 tetori, tha të mërkurën zyra qeveritare e mediave në enklavë.
“Rreth 20,000 njerëz të vdekur janë pranuar në spitale, duke përfshirë 8,000 fëmijë dhe 6,200 gra”, tha zyra e mediave në një deklaratë.
Viktimat përfshijnë 310 mjekë, 35 anëtarë të mbrojtjes civile dhe 97 gazetarë, thuhet në deklaratë.
Sulmet e pamëshirshme izraelite shkatërruan dhe dëmtuan gjithashtu rreth 308,000 njësi banimi në të gjithë Rripin e Gazës, tha zyra.
“Të paktën 114 xhami u shkatërruan dhe 200 u dëmtuan pjesërisht, ndërsa katër kisha ishin në shënjestër”, thuhet në deklaratë.
Izraeli ka goditur Rripin e Gazës që nga sulmi i 7 tetorit nga Hamasi, duke e lënë territorin në gërmadha me afro 2 milionë njerëz të zhvendosur brenda enklavës me popullsi të dendur mes mungesës së ushqimit dhe ujit të pastër.
Gati 1200 izraelitë besohet se janë vrarë në sulmin e Hamasit, ndërsa më shumë se 130 pengje mbeten në robëri.
