Ish-kryeministri izraelit Naftali Bennett bëri thirrje për veprim të drejtpërdrejtë kundër Iranit.
Në një shkrim të botuar në WSJ, ai shkruan se Izraeli shkatërroi bazën e dronëve e vrau komandantin në Iran në 2022 pasi njësia e tij shënjestroi turistët izraelitë një muaj më vonë.
“Pasi Irani nisi dy sulme të dështuara me dronë ndaj Izraelit në shkurt 2022, Izraeli shkatërroi një bazë dronësh në tokën iraniane”, shkroi Bennett.
“Në mars 2022, njësia terroriste e Iranit tentoi të vriste turistët izraelitë në Turqi dhe dështoi. Menjëherë pas kësaj, komandanti i asaj njësie u vra në qendër të Teheranit.”
Bennett tha se këto veprime ndodhën si pjesë e strategjisë së tij për t’u përballur drejtpërdrejt me Iranin, dhe jo përmes përfaqësuesve të tij.
Në mars 2022, Haaretz publikoi se një sulm ajror në Iran dëmtoi rëndë rrjetin e dronëve të vendit dhe se qindra dronë u shkatërruan. Autoritetet iraniane fajësuan Izraelin për sulmin, por Izraeli nuk e mori përgjegjësinë.
Dy muaj më vonë, në maj, agjencia shtetërore iraniane e lajmeve Tasnim raportoi se një anëtar i lartë i Forcës Quds të Gardës Revolucionare të Iranit u vra nga dy motoçiklistë në Teheran.
Tasnim e identifikoi burrin si Kolonel Hassan Sayyad Khodaei dhe tha se ai u vra ndërsa ishte ulur në makinën e tij përpara shtëpisë së tij. Dy sulmues qëlluan viktimën pesë herë, tha media shtetërore.
