Një sulm izraelit në Libanin jugor të hënën vrau një komandant të lartë të forcave elitare të Hezbollahut Radwan, thanë tre burime, përcjell The National.
Burimet e sigurisë e identifikuan atë si Wissam Al Tawil, nënkryetar i një njësie brenda forcës Radwan.
Ata thanë se ai dhe një luftëtar tjetër i Hezbollahut u vranë kur makina e tyre u godit në një sulm në fshatin libanez Majdal Selm.
“Kjo është një goditje shumë e dhimbshme,” tha një nga burimet e sigurisë. Një tjetër tha: “Gjërat do të ndizen tani”.
Bombardimet izraelite kanë vrarë më shumë se 130 luftëtarë të Hezbollahut në Libanin jugor që nga fillimi i bombardimeve ndërkufitare më 8 tetor.
19 të tjerë janë vrarë në Siri.
Sulmi vjen më pak se një javë, pasi një tjetër sulm izraelit vrau nënkryetarin e Hamasit, Saleh Al Arouri në Bejrut.
Udhëheqësi i Hezbollahut, Hassan Nasrallah, e paralajmëroi Izraelin kundër sulmeve të mëtejshme në një fjalim të nesërmen.
