Djali i presidentit amerikan Hunter Biden, bëri një paraqitje të papritur dhe të shkurtër të mërkurën në një seancë dëgjimore të Komitetit të Mbikëqyrjes së Kongresit, ku anëtarët po debatonin për një rezolutë që e konsideronte atë se kishte shpërfillur Kongresin.
Ai së bashku me Kevin Morris u ulën në rreshtin e parë të sallës së dëgjimit, duke shkaktuar një trazirë midis republikanëve të panelit, përpara se të largohej nga salla pas rreth 10 minutash.
Hunter u shfaq me avokatin e tij Abbe Loëell dhe “vëllain për kokë” Kevin Morris. Kongresmenia republikane Nancy Mace e sulmoi Hunter Biden-in duke e quajtur “mishërim i privilegjit të bardhë”.
“Pyetja ime e parë është se kush i dha ryshfet Hunter Biden-it që të ishte këtu sot?” tha Mace.
“Ju jeni mishërimi i privilegjit të bardhë që hyni në Komitetin Mbikëqyrës duke na pështyrë në fytyrë duke injoruar një thirrje të kongresit? Nga çka frikësohesh? Ju nuk keni guxim.”
Mace shtoi: “Unë mendoj se Hunter Biden duhet të arrestohet pikërisht këtu, tani, dhe të shkojë direkt në burg.”
Hunter, i cili u ngrit në këmbë dhe u largua përpara se të fliste Kongresmenia tjetër republikane Marjorie Taylor Greene e anashkaloi depozitimin muajin e kaluar duke pretenduar se do parapëlqente të dëshmonte publikisht në vend që të dëshmonte para panelit të mbushur me politikanë “të çuditshëm”.
Në fjalimin e tij pesëminutësh të 13 dhjetorit, Hunter këmbënguli se babai i tij nuk ishte i përfshirë “financisht” me marrëdhëniet e tij me jashtë në vende si Kina dhe Ukraina – mes provave në rritje se Joe Biden si zëvendëspresident ndërvepronte në mënyrë rutinore me bashkëpunëtorët që i paguanin miliona dollarë.
Përbuzja e Kongresit është një krim i dënueshëm me të paktën 30 ditë pas hekurave për vepër penale, megjithëse Departamenti i Drejtësisë së Joe Biden do duhet të zgjedhë nwse do ndjekë penalisht djalin, babai i të cilit është zyrtari kryesor i zbatimit të ligjit në vend.
Dy ish-këshilltarë të Presidentit Donald Trump – Steve Bannon dhe Peter Navarro – u dënuan nga Departamenti i Drejtësisë Biden për refuzimin për të dëshmuar në komitetin e zgjedhur të Kongresit që hetoi trazirat e Kapitolit të vitit 2021.
“Ju po luani me të vërtetën,” tha Mace të mërkurën.
“Hunter Biden nuk kishte frikë t’ia shiste qasjen e Joe Biden ofertuesit më të lartë kur ai ishte në detyrën e zgjedhur. Ai nuk kishte frikë të tregtonte me markën Biden, të ndikonte dhe t’i ndante ato përfitime të paligjshme me anëtarët e familjes së tij, përfshirë Joe Biden,” tha Mace.
“Ai nuk kishte frikë të rrezikonte integritetin e presidencës dhe të zëvendëspresidentit duke përfshirë Joe Biden në marrëveshjet e dyshimta të biznesit me kundërshtarët tanë të huaj. Por Hunter Biden, kishe shumë frikë të paraqitej për një dwshmi dhe ende nuk mundet sot.” shtoi Mace.
VINI RE: Ky material është pronësi intelektuale e NY Post
