Në një konferencë për gazetarët, Basha u shpreh se Partia Demokratike është në komunikim të vazhdueshëm me aleatë të saj.
Kryetari i Partisë Demokratike, Lulzim Basha thotë se amendamenti për Kosovën, ku propozon që të jepen 50 milionë dollarë armatime, është qëndrimi i tij, por edhe i forcës politike që drejton.
“Ky është qëndrimi i Partisë Demokratike, është qëndrimi im.
E kam bërë transparent arsyet për këtë qëndrim. Padiskutim që Partia Demokratike është në komunikim të vazhdueshëm me aleatë të saj.
Por sa i takon këtij amendamenti, baza dhe argumentet janë të qarta, janë të publikuara edhe në komunikimin që Partia Demokratike bëri kur amendamenti u depozitua në Kuvendin e Shqipërisë.
Që të mos kemi asnjë keqkuptim, pyesni Partinë Socialiste çafrë do të bëjë me amendamentin, e propozuar për 50 milionë euro për ndihmë ushtarake Republikës së Kosovës”, theksoi ai.
