Interesi i Mark Zuckerberg për një ndeshje në ring mund të ketë një “ndikim negativ material” në biznesin e META-s, nëse themeluesi i Facebook-ut do pësonte një dëmtim të rëndë apo do vdoste gjatë stërvitjes, paralajmëroi investitorët gjiganti i mediave sociale.
Si pjesë e raportit të saj vjetor të depozituar këtë muaj në Komisionin e Letrave me Vlerë dhe Shkëmbim të SHBA-së (SEC) për vitin 2024, META, kompania mëmë e Facebook dhe Instagram, paralajmëroi për rreziqet e mundshme për biznesin e saj dhe potencialisht çmimin e aksioneve të saj mbi disa nga verimet shtesë të mundshme nga Zuckerberg.
“Tani për tani ne varemi nga shërbimet e vijueshme dhe paraqitja e personelit tonë kyç, përfshirë Mark Zuckerberg”, tha META në raport.
Ai shton se Zuckerberg merr pjesë në “veprimtari të ndryshme me rrezik të lartë, të tilla si sportet luftarake, të cilat mbartin rrezikun e lëndimeve të rënda dhe vdekjes”.
“Nëse Zuckerberg do bëhej i padisponueshëm për ndonjë arsye, mund të kishte një ndikim negativ material në operacionet tona”, vazhdoi dosja.
Zuckerberg, 39 vjeç, filloi të stërvitet në artin marcial brazilian Jiu-Jitsu gjatë karantinës së pandemisë Covid-19, duke i thënë podkasterit Lex Fridman vitin e kaluar se kjo ka bërë që të merrte shumë goditje.
Udhëheqësi i Big Tech më pas filloi stërvitjen në artet marciale të përziera (MMA), sporti i popullarizuar nga atletë si Khabib Nurmagomedov i Rusisë dhe luftëtari irlandez Conor McGregor.
Zuckerberg vitin e kaluar ngacmoi publikun teksa tha se donte të ndeshej me kolegun Elon Musk, pas një grindjeje në internet mes të dyve.
Në nëntor, Zuckerberg zbuloi në platformën Instagram se ai kishte pësuar një çarje në një nga ligamentet e tij të gjurit ndërsa stërvitej për një ndeshje NMA që ai tha se pritej të zhvillohej në fillim të vitit 2024.
Zuckerberg, i cili është aksioneri më i madh i Metës, është stërvitur me disa luftëtarë të mirënjohur të arteve marciale të përziera, duke përfshirë kampionët e kaluar dhe të tanishëm të UFC-së, Israel Adesanya dhe Alexander Volkanovski. Kohët e fundit atij iu dha brezi blu në Jiu Jitsu Brazilian nën drejtimin e ekspertit të arteve marciale Dave Camarillo.
