Kreu i Partisë së Lirisë, Ilir Meta reagoi pas vizitës së sekretarit amerikan të Shtetit, Antony Blinken, duke theksuar se aleanca strategjike me SHBA është themelore për demokracinë dhe shtetin ligjor.
“Për Shqipërinë, aleanca strategjike me SHBA është themelore për demokracinë, shtetin ligjor, zhvillimin ekonomik, sigurinë e vendit, si dhe garanci jetike për paqen dhe stabilitetin në rajonin tonë. Marrëdhëniet tona meritojnë të zhvillohen më tej, ndërsa së bashku forcojmë bashkëpunimin transatlantik dhe në NATO”, shkruan Meta.
