Për më shumë se 140 vjet, Shurupi i Artë i Lyle – një mall kryesor në çdo qilar të bukëpjekësve britanik – ka paraqitur një logo që ngjall mjaft kureshtje në kanaçet e saj: një kufomë luani të rrethuar nga bletë.
Por tani, për herë të parë që nga vitet 1880, malli i njohur nga Rekordet Botërore Guinness për pasjen markës dhe paketimit më të vjetër në botë po i nënshtrohet një rimodelimi të madh.
Kompania tha se identiteti i saj i ri pamor ishte krijuar për të “rifreskuar trashëgiminë e markës për të tërhequr audiencën e shekullit të 21-të”.
Shurupi i artë, është një lëng i ëmbël me ngjyrë qelibar i bërë nga sheqeri i rafinuar që u prodhua për herë të parë nga Abram Lyle & Sons në vitin 1881. Themeluesi i kompanisë, biznesmeni skocez Abram Lyle, zgjodhi një logo të frymëzuar nga historia e Samsonit, i cili, në Testamentin e Vjetër, vret një luan me duar për të zbuluar më vonë se bletët janë strehuar në trupin e pajetë të kafshës.
Në përrallën biblike, Samsoni ha mjaltë nga brenda luanit, ua jep prindërve të tij dhe më pas u paraqet 30 dasmorëve një gjëegjëzë që aludon për takimin: “Nga ngrënësi erdhi diçka për të ngrënë; nga e forta doli diçka e ëmbël.”
Logoja e re, ndërkohë, i jep kafshës një pamje më abstrakte – dhe disi më të animuar, ndërkohë që në kokën e luanit mbetet vetëm një bletë. Duke pranuar markën e pandryshuar të produktit në vitin 2006, Rekordet Botërore të Guinness vunë në dukje se të vetmet ndryshime të bëra që nga viti 1885 ishin “ndryshime të lehta teknike gjatë luftës për shkak të mungesës së materialeve”.
Në vitin 2008, për të shënuar 125-vjetorin e produktit, pronari i atëhershëm Tate & Lyle njoftoi se po ndryshonte kallajin në një ngjyrë të artë, megjithëse logoja mbeti e pandryshuar.
Tate & Lyle u formua në vitet 1920 kur firma e Lyle u bashkua me rafinerinë rivale të sheqerit Henry Tate & Sons. Kompania, tani një furnizues i madh global i ushqimeve dhe pijeve, shiti biznesin e saj të përpunimit të sheqerit (përfshirë Lyle’s Golden Syrup) firmës amerikane American Sugar Refining, ose ASR Group, në 2010.
Logoja e vjetër e produktit do vijojë të përdoret në kallajin klasik të shurupit të artë të Lyle, megjithëse shishet dhe mbushjet e ëmbëlsirës do mbajnë të gjitha markën e re. Një zëdhënës i kompanisë nuk pranoi të komentojë nëse kjo përfaqëson shumicën e njësive të shitura.
