Serbia po përballet me ditë jashtëzakonisht të vështira, ka thënë presidenti Aleksandar Vuçiç, duke shtuar se interesat kombëtare të vendit janë në rrezik.
Vendi ballkanik ka kundërshtuar vazhdimisht përpjekjet e Kosovës për t’iu bashkuar organizmave ndërkombëtarë, por rajoni kohët e fundit ka bërë përparim në këtë drejtim.
Udhëheqësi serb postoi një mesazh në Instagram të mërkurën, duke paralajmëruar se “ditë të vështira janë përpara për Serbinë” dhe se “në këtë moment, nuk është e lehtë të thuhet se çfarë lloj lajmesh kemi marrë në 48 orët e fundit”.
Zhvillimet “kërcënojnë drejtpërdrejt interesat jetike kombëtare të Serbisë dhe Republikës Srpska”, vuri në dukje Vuçiç, pa dhënë hollësi të mëtejshme, duke thënë vetëm se ai do t’i prezantojë bashkëqytetarët e tij me sfidat që presin në ditët në vijim.
Republika Srpska është një rajon pjesërisht autonom i dominuar nga serbët brenda Bosnje dhe Hercegovinës.
“Do jetë e vështirë… Ne do luftojmë, Serbia do fitojë”, shtoi Vuçiç.
Ndërsa është e paqartë se kujt po i referohej Vuçiç, ai është gati të takohet me diplomatë të lartë nga SHBA-ja, Britania e Madhe, Gjermania, Franca dhe Italia të mërkurën, sipas faqes së internetit Pink.rs. Agjenda e takimit pritet të vërtitet rreth aplikimit të Kosovës për anëtarësim në Këshillin e Evropës, një mbikëqyrës ndërkombëtar për të drejtat e njeriut.
Gjithashtu për diskutim thuhet se do të jetë vendimi i Komisionit të Përhershëm të Asamblesë Parlamentare të NATO-s për ngritjen e Kosovës në statusin e anëtarit të asociuar. Një vendim përfundimtar për këtë çështje pritet në fund të majit.
Ndërkohë, Radio Sarajeva ka bërë me dije se presidenti serb po reagon ndaj vendimit të përfaqësuesit të lartë për Bosnjë dhe Hercegovinën, Christian Schmidt, për ndryshimin e ligjit zgjedhor të vendit. Zyra e Përfaqësuesit të Lartë është një organizatë ndërkombëtare që mbikëqyr Marrëveshjen e Dejtonit të vitit 1995, e cila i dha fund një lufte të përgjakshme në vendin ballkanik.
Schmidt tha të martën se ai do përdorte autoritetin e tij për të prezantuar reformat e votimit dixhital si pjesë e një projekti pilot në vend.
Masa u prit me reagimin e presidentit të Republika Srpska, Milorad Dodik, i cili tha se Schmidt nuk kishte asnjë lidhje me procesin zgjedhor, duke shtuar se ai “i përket njerëzve që jetojnë në Bosnje dhe Hercegovinë”.
