Operativët që punojnë për qeveritë kineze dhe iraniane përgatitën përmbajtje të rreme, të krijuar nga Inteligjenca Artificiale , si pjesë e një fushate për të ndikuar tek votuesit amerikanë në javët e fundit të fushatës zgjedhore të vitit 2020, thanë për CNN zyrtarë dhe ish-zyrtarë amerikanë të informuar mbi inteligjencën.
Operativët kinezë dhe iranianë nuk i shpërndanë kurrë publikisht audiot ose videon e rreme, por inteligjenca e paraportuar më parë tregon shqetësimet që zyrtarët amerikanë kishin katër vjet më parë për gatishmërinë e fuqive të huaja për të përforcuar informacione të rreme rreth procesit të votimit.
Agjencia e Sigurisë Kombëtare (NSA) mblodhi informacionin e inteligjencës që u dha zyrtarëve amerikanë njohuri mbi aftësitë e Kinës dhe Iranit në prodhimin e falsifikimeve të rënda, tha një nga burimet.
Me audiot dhe videot e rreme shumë më të lehta për t’u prodhuar dhe zgjedhjet presidenciale vetëm gjashtë muaj larg, zyrtarët amerikanë janë gjithnjë e më të shqetësuar se si një fushatë e ndikimit të huaj mund të shfrytëzojë inteligjencën artificiale për të mashtruar votuesit amerikanë.
Në një takim në Shtëpinë e Bardhë dhjetorin e kaluar në përgatitje për zgjedhjet e vitit 2024, zyrtarë të lartë amerikanë u përpoqën të tregojnë se si mund t’i përgjigjen një skenari ku operativët kinezë krijojnë video të rreme të bërë nga AI që përshkruan një kandidat të Senatit duke shkatërruar fletëvotimet, siç ka raportuar më parë CNN.
Në një konferencë javën e kaluar, zyrtarët e FBI-së paralajmëruan se AI rrit aftësinë e shteteve të huaja për të përhapur dezinformimin zgjedhor.
Është e paqartë se çfarë përshkruhej në “deepfakes” që operativët kinezë dhe iranianë përgatitën në vitin 2020, sipas burimeve, ose pse ata nuk vendosën t’i përdorin gjatë atyre zgjedhjeve.
Në atë kohë, disa zyrtarë amerikanë që rishikuan inteligjencën nuk ishin të bindur mbi aftësitë e Iranit dhe Kinës për të ndikuar në zgjedhjet presidenciale në SHBA përmes mashtrimeve e informacioneve të rreme, tha një ish-zyrtar i lartë amerikan për CNN.
Mbajtja nën vëzhgim e kundërshtarëve
NSA ka vazhduar të mbledhë inteligjencë mbi vendet e huaja që zhvillojnë falsifikime të rënda dhe kërcënimin e mundshëm që ata paraqesin për zgjedhjet në SHBA tani që teknologjia ka përparuar në mënyrë dramatike gjatë katër viteve të fundit, shtoi ish-zyrtari i lartë, duke theksuar se në vitin 2020, nuk kishte një model i madh gjuhësor si ChatGPT që ishte i lehtë për t’u përdorur.
CNN ka kërkuar koment nga NSA.
Zyrtarët amerikanë kanë ruajtur një nivel të lartë të mbikëqyrjes të AI dhe përparimet në falsifikimet e bëra nga vende si Kina, Irani dhe Rusia që nga zgjedhjet e vitit 2020. Por përdorimi i kësaj inteligjence brenda SHBA-së mbetet një sfidë, tha ish-zyrtari.
“Pyetja që ngrihet është se sa shpejt mund të dallojmë një anomali dhe më pas ta ndajmë atë me shpejtësi brenda Shteteve të Bashkuara”, tha ish-zyrtari për CNN.
“A po e fitojmë garën kundër një serie kundërshtarësh që mund të veprojnë brenda SHBA-së? Kjo është sfida.”
Kërcënimi i informacioneve të rreme dhe ndikimi i huaj është gati të shfaqet në një seancë dëgjimore të Komisionit të Inteligjencës së Senatit të mërkurën, kur ligjvënësit do kenë një mundësi të rrallë për të marrë në pyetje publikisht drejtorin e Inteligjencës Kombëtare dhe zyrtarë të tjerë të lartë mbi kërcënimet e huaja ndaj zgjedhjeve.
Edhe pse nuk i përdorën informacionet e rreme në vitin 2020, operativët e qeverisë iraniane bënë një përpjekje të pacipë atë vit për të ndikuar tek votuesit duke imituar grupin e ekstremit të djathtë “Proud Boys” dhe duke shpërndarë një video që pretendonte të tregonte hakerimin e një baze të dhënash të regjistrimit të votuesve në SHBA, sipas prokurorëve amerikanë.
Që operacionet e ndikimit të huaj të jenë efektive, ato gjithashtu duhet të rezonojnë me publikun amerikan, diçka sfiduese për Kinën, tha ish-zyrtari i lartë amerikan.
“Unë mendoj se është qartësisht një pjesë kulturore,” tha ish-zyrtari.
“Ata me të vërtetë kanë një kuptim shumë të vështirë të çështjeve që janë përçarëse ose domosdoshmërisht se si të luajnë me ato çështje.”
Inteligjenca artificiale që prodhon informacione, ose AI e përdorur për të krijuar video, audio, pamje ose tekst, i ka bërë aktorët e ndikimit të huaj më efikas në krijimin e përmbajtjes, por “nuk ka asnjë provë që i ka bërë ata ose fushatat e tyre më efektive”, tha Lee Foster. një ekspert në gjurmimin e operacioneve të ndikimit të huaj në internet.
“Inteligjenca artificiale gjeneruese deri më tani nuk i ka ndihmuar aktorët të zgjidhin pengesën kryesore me të cilën përballen: shpërndarjen”, tha Foster, i cili është bashkëthemelues i firmës së sigurisë së AI Aspect Labs.
Foster dhe ekspertë të tjerë kanë paralajmëruar kundër ekzagjerimit të ndikimit të operacioneve të ndikimit të huaj, përfshirë ato që përdorin AI, sepse kjo u sjell përfitime vetë propaganduesve.
Pikëpamjet pozitive të shumë institucioneve qeveritare janë “në nivelet më të ulëta historike”, me vetëm 16% të publikut që thonë se i besojnë qeverisë federale gjithmonë ose shumicën e kohës, sipas një sondazhi të Qendrës Kërkimore Peë të publikuar në shtator.
Zgjedhjet e vitit 2024 në SHBA do paraqesin mundësi të reja për operacionet e ndikimit të huaj. Ndihma ushtarake e SHBA-së për Ukrainën është në rrëzik, me demokratët që mbështesin kryesisht mbështetjen e Biden-it për Ukrainën dhe disa republikanë kryesorë, përfshirë ish-presidentin Donald Trump, që duken gjithnjë e më shumë larg saj.
Zyrtarët e FBI-së janë të shqetësuar se lufta në Ukrainë dhe mbështetja e SHBA-së për Kievin, mund të jetë një “ngjarje argëtuesë për rusët” në drejtim të kryerjes së operacioneve të ndërhyrjes ose ndikimit që synojnë zgjedhjet në SHBA, u tha gazetarëve javën e kaluar një zyrtar i lartë i FBI-së.
VINI RE: Ky material është pronësi intelektuale e CNN
