Ministri i Mbrojtjes Niko Peleshi ka njoftuar se për shuarjen e flakëve në Dropull dhe Finiq janë aktivizuar dy avionë të tipit Canadair.
Në një postim në rrjetet sociale, ai shkruan se puna vijon prej dy ditëve për të vënë nën kontroll flakët.
Postimi i plotë:
“Dy avionë të tipit #Canadair sapo nisën ndërhyrjen nga ajri për fikjen e flakëve në #Dropull dhe #Finiq.
Avionët grekë, vijnë si mbështetje për Shqipërinë përmes Mekanizmit Evropian të Mbrojtjes Civile dhe i bashkohen përpjekjeve të Forcave tona të Armatosura, zjarrëfikësve, punonjësve të emergjencave civile dhe strukturave vendore që prej 2 ditësh po luftojnë me flakët atje.
Mirënjohje për gatishmërinë e treguar për të sjellë mjete ajrore edhe qeverisë #italiane dhe asaj asaj kroate”, shkruan ai.
