Ish-presidenti i SHBA-së, Donald Trump, po kryeson ngushtë ndaj zv.presidentes Kamala Harris në garën për Shtëpinë e Bardhë, sipas sondazheve të fundit nga Wall Street Journal dhe Forbes/HarrisX.
Harris u bë kandidatja e supozuar i Partisë Demokratike javën e kaluar pasi Presidenti Joe Biden tërhoqi kandidaturën e tij dhe e miratoi atë. Një sondazh i Reuters/Ipsos i publikuar në fillim të javës tregoi se Harris kryeson ndaj Trump me dy pikë. Sondazhet e publikuara më pas tregojnë të kundërtën.
Sondazhi i WSJ i publikuar të premten ka Trump me 49% mbështetje dhe Harris në 47%. Sondazhi u krye nga data 23-25 korrik dhe përfshinte 1000 votues të regjistruar.
Sondazhi online i HarrisX/Forbes me 3013 votues të regjistruar, i cili u krye nga e hëna në të mërkurë, prodhoi të njëjtin hendek prej dy pikësh, me Trump në 47% dhe Harris në 45%. Sondazhi zbuloi gjithashtu mbështetje dërrmuese (81%) për vendimin e Biden për t’u larguar nga gara.
“Zëvendëspresidentja Harris ka fuqizuar bazën demokratike, duke rritur epërsinë me gratë periferike dhe duke mbyllur hendekun me të pavarurit,” tha shefi i HarrisX, Dritan Nesho.
Nesho argumentoi se vendimi i Biden për t’u larguar e ka bërë garën përsëri konkurruese.
