Gjatë kësaj jave mësohet se janë bllokua 29 mjete lundruese nga Ksamili në Velipojë.
Policia Kufitare ka konstatuar 11 mjete lundruese duke lundruar brenda perimetrit të sigurisë, rrezik për jetën e pushuesve.
Drejtuesit e tyre janë ndëshkuar me masa administrative prej 100,000 deri në 120,000 lekë të rinj. Drejtuesit e 18 mjeteve të tjera janë ndëshkuar me gjobë prej 10,000 lekë për mungesë dokumentacioni, përveç bllokimit të mjeteve.
Po ashtu njësia Policore Detare dhe Policia Kufitare kanë dhënë ndihmë turistëve dhe vizitorëve në 13 raste, duke shpëtuar jetë në situata të rrezikshme shkaktuar nga prishjet e mjeteve lundruese apo dallgët.
SIGURIA DETARE
Intensifikohen kontrollet nga Policia Kufitare dhe Njësia Policore Detare, përgjatë gjithë vijës bregdetare, hapësirave liqenore dhe atyre lumore.
Si rezultat i kontrolleve në kuadër të operacionit “Siguria Detare”, gjatë kësaj jave nga Ksamili në Velipojë, Policia Kufitare ka bllokuar 29 mjete lundruese.
Mjetet e bllokuara: 17 jet ski, 10 skafe dhe 2 gomone.
21 mjete lundruese janë bllokuar nga Ksamili në Vlorë.
6 mjete lundruese janë bllokuar nga Durrësi në Shëngjin.
2 mjete lundruese janë bllokuar në Velipojë.
11 prej mjeteve lundruese të bllokuara janë konstatuar nga shërbimet e Policisë Kufitare dhe ato të Njësisë Policore Detare, duke lundruar brenda perimetrit të sigurisë, shkelje e cila rrezikonte jetën e pushuesve. Drejtuesit e këtyre mjeteve janë ndëshkuar secili me masë administrative 100,000 deri në 120,000 lekë të rinj.
Drejtuesit e 18 mjeteve të tjera lundruese, krahas masës së bllokimit të mjeteve, u ndëshkuan secili me masë administrative 10,000 lekë për mungesë dokumentacioni.
Po gjatë kësaj jave, Njësia Policore Detare dhe Policia Kufitare iu kanë dhënë ndihmë turistëve dhe vizitorëve në 13 raste në hapësirën detare nga Ksamili në Velipojë, në shumicën e rasteve ju rrezikohej seriozisht jeta për shkak të prishjes së mjeteve lundruese apo duke mos u kthyer dot në breg për shkak të dallgëve.
Policia Kufitare apelon për të gjithë përdoruesit e mjeteve lundruese të zbatojnë me rigorozitet perimetrin e sigurisë për pushuesit, rregullat për përdorimin e mjeteve lundruese dhe të jenë të pajisur me mjetet e shpëtimit, si dhe të tregohen vigjilentë gjatë lundrimeve.
Njëkohësisht, Policia Kufitare fton pushuesit të denoncojnë çdo rast të shkeljes së perimetrit të sigurisë detare apo të masave të sigurisë gjatë udhëtimeve turistike në zonat bregdetare, liqenore dhe lumore, duke ju garantuar reagim të menjëhershëm.
