Shtetet e Bashkuara fajësojnë Hezbollahun për sulmin me raketë që vrau 12 fëmijë dhe adoleshentë në Lartësitë Golan të pushtuara nga Izraeli, thotë Shtëpia e Bardhë.
Hezbollahu e ka mohuar sulmin, i cili goditi një fushë futbolli në fshatin Druze të Majdal Shams.
“Ky sulm u krye nga Hezbollahu libanez. Ishte raketa e tyre dhe u lëshua nga një zonë që ata kontrollojnë,” tha zëdhënësja e Këshillit të Sigurisë Kombëtare Adrienne Watson.
Hezbollahu filloi të qëllonte mbi Izraelin më 8 tetor, duke pretenduar solidaritet me Hamasin, një tjetër grup terrorist i mbështetur nga Irani. Mbështetja jonë për sigurinë e Izraelit është e hekurt dhe e palëkundur kundër të gjitha kërcënimeve të mbështetura nga Irani, përfshirë Hezbollahun.
“Shtetet e Bashkuara po punojnë gjithashtu për një zgjidhje diplomatike përgjatë Linjës Blu që do t’i japë fund të gjitha sulmeve njëherë e përgjithmonë dhe do t’i lejojë qytetarët në të dy anët e kufirit të kthehen të sigurt në shtëpitë e tyre,” tha ajo./BBC
