Tre persona në Shkodër janë arrestuar nga policia pasi janë kapur duke qëlluar me armë zjarri në ajër në orët e para të mëngjesit në sheshin Prek Cali.
Arrestimet u kryen nga shërbimet e policisë që reaguan menjëherë ndaj rastit. Në pranga kanë rënë dy vëllezër, Ndok Marku, 48 vjeç, Lekë Marku, 35 vjeç dhe kushëriri i tyre, Viktor Marku, 38 vjeç.
Policia ka njoftuar se ngjarja ndodhi në gjendje të dehur dhe se falë veprimeve të shpejta profesionale u arrit të identifikohen dhe kapen autorët. Materialet procedurale u kaluan Prokurorisë për veprime të mëtejshme.
Në orët e para të mëngjesit të sotëm, në sheshin Prek Cali, është qëlluar me armë zjarri në ajër.
Menjëherë shërbimet e Policisë kanë shkuar në vendngjarje dhe falë veprimeve të shpejta profesionale kanë bërë të mundur identifikimin, kapjen dhe shoqërimin në Komisariat të tre shtetasve, si autorë të dyshuar.
Në vijim të veprimeve hetimore, specialistët e Seksionit për Hetimin e Krimeve në Komisariatin e Policisë Shkodër bënë arrestimin e shtetasve të shoqëruar, të dyshuar si autorë të ngjarjes, konkretisht shtetasit:
V. M., 38 vjeç, person me precedent kriminal në fushën e krimeve kundër personit dhe të vëllezërve N. M., 48 vjeç e L. M., 35 vjeç, të tre banues në Shkodër.
Nga hetimet e kryera në bashkëpunim me Prokurorinë, dyshohet se këta shtetas, në gjendje të dehur kanë qëlluar me armë zjarri në ajër.
Materialet procedurale i kaluan Prokurorisë, për veprime të mëtejshme.
