Noah Lyles është shpallur kampion i 100 metrave në Lojërat Olimpike të Parisit, duke fituar medaljen e artë me një diferencë jashtëzakonisht të ngushtë. Lyles mundi Kishane Thompson nga Xhamajka me vetëm 0,005 sekonda, duke regjistruar një kohë prej 9,784 sekondash kundrejt 9,789 sekondash të Thompson.
Pas një pritjeje të gjatë Lyles përfundimisht mori lajmin që kishte pritur për tre vjet. Ai e përshkroi përjetimin e tij si të përsosur dhe një realizim të premtuar nga trajneri i tij.
Në përfundim, Lyles e festoi fitoren e tij duke ngritur etiketën e emrit në qiell dhe duke thënë për kamerat televizive, “Amerikë, të thashë se e mora këtë!” Ky ishte përfundimi më i afërt i 1-2 n\ë 100 metra që nga Lojërat Olimpike e Moskës në 1980.
Fred Kerley i Amerikës përfundoi i treti me 9,81 sekonda, në një garë ku katër garuesit e parë ndanë vendet me më pak se 0,03 sekonda. Ky rezultat shënon kthimin e Lyles si kampioni amerikan në këtë garë që nga Justin Gatlin në 2004.
Pas një periudhe sfidash dhe një përkushtimi të madh për përmirësimin e tij, Lyles arriti të realizojë objektivin e tij dhe të rikthejë madhështinë në pistë./AP
