Pakistani festoi deri në orët e vona të natës pasi gjuajtësi i shtizës, Arshad Nadeem, fitoi medaljen e parë olimpike të vendit me një gjuajtje rekord prej 92.97 metrash, duke fituar medaljen e artë në Paris.
Kombi që është i apasionuar pas kriketit, qëndroi zgjuar natën e së enjtes për të parë Nadeem të fitonte medaljen e parë olimpike të Pakistanit që nga medalja e bronzit e fituar nga ekipi i hokejve në fushë në Barcelonë 32 vjet më parë.
“Vëllai ynë ka fituar medaljen e artë dhe unë kam humbur zërin nga festimi gjithë natën,” tha vëllai i tij, Shahid Nadeem, për CNN nga shtëpia e familjes në Mian Channu, në shtetin Punjab të Pakistanit.
“Kur të kthehet në shtëpi, do ta festojmë në një mënyrë që bota të mos e harrojë kurrë! Ne jemi njerëz të thjeshtë dhe do të festojmë me gjithçka që do të na japë Allahu. Jemi të lumtur!” shtoi ai.
