Mostrat e trurit të njeriut të mbledhura në autopsi të ndryshme në fillim të vitit 2024 përmbanin më shumë copa të vogla plastike sesa mostrat e mbledhura tetë vjet më parë, sipas një parastudimi të postuar në internet në maj. Një parastudim është një studim i cili ende nuk është rishikuar nga kolegët dhe botuar në një ditar.
“Përqendrimet që pamë në indet e trurit të individëve normalë, të cilët kishin një moshë mesatare rreth 45 ose 50 vjeç, ishin 4,800 mikrogramë për gram, ose 0.5% ndaj peshës,” tha autori kryesor i studimit Matthew Campen, një profesor i shkencave farmaceutike në Universitetin e Neë Mexico në Albuquerque.
“Krahasuar me mostrat e trurit të autopsisë nga viti 2016, kjo është rreth 50% më e lartë,” tha Campen. “Kjo do të thotë se truri ynë sot është 99.5% tru dhe pjesa tjetër është plastike.”
Megjithatë, kjo rritje tregon vetëm ekspozim dhe nuk jep informacion në lidhje me dëmtimin e trurit, tha Phoebe Stapleton, një Profesoreshë e Asociuar e Farmakologjisë dhe Toksikologjisë në Universitetin Rutgers në Piscataëay, Neë Jersey, e cila nuk ishte e përfshirë në parastudim.
Mostrat e trurit përmbanin 7% deri në 30% më shumë copa të vogla plastike sesa mostrat nga veshkat dhe mëlçia e kufomave, sipas paraprintimit.
“Studimet kanë gjetur këto plastika në zemrën e njeriut, enët e mëdha të gjakut, mushkëritë, mëlçinë, testikujt, traktin gastrointestinal dhe placentën,” tha pediatri dhe Profesori i Biologjisë Dr. Philip Landrigan.
