Izraeli thotë se forcat e tij kanë gjetur trupat e gjashtë pengjeve të mbajtura nga Hamasi në Rripin e Gazës.
Në një deklaratë, Forcat e Mbrojtjes të Izraelit (IDF) thanë se trupat u gjetën të shtunën në një tunel nëntokësor në zonën Rafah.
IDF i emëroi pengjet si Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi dhe Master Sgt Ori Danino.
Zëdhënësi Admin Daniel Hagari tha se një vlerësim fillestar ishte se ata ishin “vrarë brutalisht nga terroristët e Hamasit pak para se t’i gjenin”.
Pasi u konfirmua vdekja e Goldberg-Polin – një qytetar amerikan – presidenti amerikan Joe Biden tha se ishte “i shkatërruar dhe i zemëruar” nga lajmi.
Një grup që përfaqëson familjet e atyre që mbahen peng në Gaza ka kërkuar që kryeministri izraelit Benjamin Netanyahu “t’i drejtohet kombit dhe të marrë përgjegjësinë për braktisjen e pengjeve”.
Forumi i Familjeve të Pengjeve tha se të gjashtë të mbajtur robër ishin “vrarë në ditët e fundit, pasi i mbijetuan pothuajse 11 muaj abuzimi, torture dhe urie nën robërinë e Hamasit”.
“Vonesat në nënshkrimin e marrëveshjes ka çuar në vdekjen e tyre dhe të shumë pengjeve të tjerë”, shtuan ata në një deklaratë.
Grupi ka njoftuar gjithashtu planet për t’i kërkuar publikut izraelit t’i bashkohet protestave në Jerusalem, Tel Aviv dhe gjetkë në Izrael për të bërë thirrje për një marrëveshje për shkëmbimin e pengjeve.
Në deklaratën e saj të dielën në mëngjes duke njoftuar vdekjet, IDF tha se trupat ishin “kthyer në territorin izraelit”.
“Ata u morën të gjithë peng më 7 tetor [2023] dhe u vranë nga organizata terroriste Hamas në Rripin e Gazës”.
Në deklaratë shtohet se familjet e tyre tashmë janë njoftuar.
Presidenti izraelit Isaac Herzog tha se “zemra e një kombi të tërë është copëtuar me lajmin” e vrasjes së tyre.
“Në emër të Shtetit të Izraelit, unë përqafoj familjet e tyre me gjithë zemër dhe kërkoj falje që nuk arrita t’i sjellim në shtëpi të sigurtë”, shtoi ai.
