Prokurorët kanë marrë në pyetje Kastriot Elezajn dhe Renaldo Metushin, të cilët u plagosën ditën e djeshme në zonën e Don Boskos në Tiranë. Të dy kanë mohuar të kenë konflikte me persona të tjerë dhe nuk kanë arritur të identifikojnë autorët.
Në mjetin tip “Golf 5”, që u gjet i djeegur u gjet edhe një armë pistoletë e kalibrit 7.65 mm.
Sipas hetueve, nuk përjashtohet mundësia që atentati të ketë lidhje me të shkuarën kriminale pasi Elezaj ka qenë më herët i dënuar për prostitucion.
Elezaj e Metushi u qëlluan ndërsa po pinin kafe në një lokal në “Don Bosko”. Ata u qëlluan nga një makinë ndërsa sipas policisë bëhet fjalë për tre autorë që kanë qenë në mjetin nga ku u qëllua, të cilët kanë qenë të maskuar. Në vendin e ngjarjes janë gjetur shtatë gëzhoja. 45-vjeçari Elezaj ka plagë në gjoks dhe në krah ndërsa 22-vjeçari Metushi është qëlluar në këmbë.
