Ish-Kongresmenia republikane Liz Cheney e bëri të qartë se lufta e saj kundër ish-presidentit Donald Trump nuk do kufizohet në miratimin e saj për Kamala Harris dhe do përfshijë fushatën në shtetet e betejës këtë vjeshtë.
Në një intervistë të premten në në Austin, Cheney tha gjithashtu se babai i saj, ish-zëvendëspresidenti Dick Cheney (2001-2009), do votonte për demokraten Kamala Harris. Publiku shpërtheu në brohoritje pasi ajo përmendi votën e babait të saj.
Më vonë, ish-zëvendëspresidenti republikan lëshoi vetë një deklaratë duke konfirmuar komentet e vajzës së tij, duke thënë se Trump “nuk mund t’i besohet kurrë më pushteti”.
“Si qytetarë, secili prej nesh kemi për detyrë ta vendosim vendin mbi partishmërinë për të mbrojtur Kushtetutën tonë. Kjo është arsyeja pse unë do e jap votën time për zëvendëspresidenten Kamala Harris”, tha ai në një deklaratë.
Trump, në një postim në Truth Social, e shpërfilli për miratimin e ish-zëvendëspresidentit për Harris. “Dick Cheney është një RINO i parëndësishëm,” shkroi ai, duke përdorur akronimin për “Republikan vetëm në emër”.
Fushata e Harris mirëpriti Dick Cheney-n dhe këdo tjetër në Partinë Republikane që dëshiron t’i bashkohet asaj.
