Të paktën 40 persona janë vrarë në një sulm izraelit gjatë natës në një zonë humanitare të krijuar për të strehuar njerëzit e zhvendosur në Gazën jugore, sipas zyrtarëve lokalë të shpëtimit, në atë që Izraeli tha se ishte një sulm ndaj terroristëve të Hamasit në zonë.
Më shumë se 60 njerëz u plagosën gjithashtu në sulm, sipas Mbrojtjes Civile të Gazës.
Mbrojtja civile tha se ekuipazhet e saj po përballeshin me “vështirësi të madhe” në nxjerrjen e viktimave, shumë prej të cilave besohej se ishin në gjumë në kohën e sulmeve, për shkak të mungesës së burimeve.
Forcat e Mbrojtjes të Izraelit (IDF) thanë të hënën në mbrëmje se “goditën terroristë të rëndësishëm të Hamasit që po vepronin brenda një qendre komandimi dhe kontrolli të ngulitur brenda zonës humanitare” në Khan Younis, Gaza.
Hamasi mohoi se kishte vendosur luftëtarë në zonë.
Sulmi goditi Al-Mawasi, një rajon bregdetar afër Khan Younis, ku dhjetëra mijëra palestinezë të zhvendosur kanë ikur. Ushtria izraelite tha se operacioni u krye me drejtimin e Agjencisë së Sigurisë së Izraelit dhe Forcave Ajrore, dhe se u ndërmorën hapa për të zbutur dëmtimet civile “duke përfshirë përdorimin e municioneve të sakta, mbikëqyrjen ajrore dhe mjetet shtesë”. Ushtria nuk tha nëse paralajmëroi civilët në zonë.
Në deklaratën e tij, Hamasi i quajti pretendimet e Izraelit se luftëtarët e tij ndodheshin në zonë “një gënjeshtër e hapur, përmes së cilës ai Izraeli kërkon të justifikojë këto krime të tmerrshme”.
