Nuk ka pasur dhe nuk do ketë kurrë diçka aq të veçantë sa dashuria mes nënës dhe të birit, shkruan Daily Mail.
Por kjo lidhje themelore është testuar në një betejë ligjore historike në Londër, ku një nënë surrogate duhej të luftonte me prindërit homoseksualë të fëmijës së saj përmes gjykatave për të asur mundësinë ta takojë fëmijën e saj biologjik.
Gruaja, emri i së cilës nuk mund të përmendet për arsye ligjore, fitoi çështjen pasi çifti homoseksual për të cilin ajo mbajti fëmijën për nëntë muaj u përpoq ta ndalonte të shihte fëmijën e saj biologjik dhe ta fshinte atë nga jeta e tij.
Dy burrat pretenduan se djali i vogël do hutohej nëse do shihte nënën e tij, sepse ai jetonte me ta në një “familje pa nënë” dhe po rritej brenda komunitetit LGBT.
Çifti i tha asaj se nuk kishte “nuk kishte vend të lirë për të sepse ai ka prindër të të njëjtit seks”, edhe pse ai ishte ngjizur duke përdorur vezën e saj dhe ishte mbajtur në barkun e saj.
Ata e quajtën atë gjithashtu homofobike për këmbënguljen që djali i vogël ta njihte atë si nënë, duke e akuzuar atë për “marrëdhënie të papërshtatshme” dhe duke argumentuar se kontakti i rregullt me të do t’i jepte atij përshtypjen se të pasurit e prindërve homoseksualë e bënte familjen e tij të paplotë.
Në një rast burrat madje kërcënuan se do thërrisnin policinë kur ajo erdhi në shtëpinë e tyre për të parë djalin e saj për një vizitë të paracaktuar, por asaj iu refuzua hyrja dhe një grindje “e tmerrshme” pasoi në prani të djalit të tyre të vogël.
Një psikolog fëmijësh që dha dëshmi në këtë rast tha se burrat po përpiqeshin të “fshinin nënën” nga familja e tyre, gjë që ai tha se nuk pasqyronte realitetin dhe nuk ishte në interesin më të mirë të djalit të vogël.
Fëmija, i quajtur si ‘Z’ në procedurat gjyqësore, ka lindur në shtator 2020.
Dy baballarët e tij, një çift i martuar 36 dhe 43 vjeç, ishin miq me motrën e surrogatit dhe ishin të dëshpëruar që një fëmijë të plotësonte familjen e tyre, kështu që ajo pranoi të ndihmonte.
Pasi transferimi i një veze dhuruese dështoi, ata vendosën të provonin një vezë që i përkiste zëvendësit, të cilësuar si ‘G’ në procedurat ligjore.
Burrat, të referuar si ‘X’ dhe ‘Y’, ranë dakord që ajo të kishte kontakt me fëmijën pasi të lindte – por marrëdhënia e tyre u përkeqësua gjatë shtatzënisë së saj.
Çifti pretendoi më pas se u frikësuan se ajo do refuzonte t’ua dorëzonte foshnjën pas lindjes.
Megjithatë, ajo e dorëzoi, megjithëse 36-vjeçarja pranoi se kishte frikë se do shkëputej plotësisht nga jeta e fëmijës. Frika që do bëhej e vërtetë më vonë.
Menjëherë më pas ajo nënshkroi një urdhër prindëror që ua kalonte përgjegjësinë për fëmijën burrave së bashku me një urdhër të dytë që siguronte që ajo të mund të kishte kontakte të rregullta me fëmijën, i cili jetonte përgjithmonë me baballarët e tij.
Por çifti homoseksual e refuzoi atë marrëveshje duke çuar në debatin që i nxiti ata të kërcënonin se do të telefononin policinë nëse ajo nuk largohej.
‘G’ kishte regjistruar në fshehtësi sherrin dhe ndërsa audio nuk u shpërnda si pjesë e vendimit, gjyqtari i çështjes tha se ishte ‘përshkruar me të drejtë si “e tmerrshme”, jo vetëm për faktin se ndodhi në prani të djalit të tyre.
Burrat më pas ndoqën një sërë çështjesh ligjore kundër saj.
Në rastin e parë të këtij lloji, gjykata duhej të merrte në konsideratë nëse duhet të jepej një urdhër birësimi nga njerku, duke shuar lidhjet mes fëmijës dhe zëvendësuesit.
Autoriteti lokal i çiftit homoseksual madje e mbështeti çështjen e tyre, e kundërshtuar nga nëna surrogate, e cila përfaqësohej nga avokatja Janet Bazley KC.
Por gjykatat britanike kanë vendosur në favor të nënës surrogate.
Ajo përcaktoi se nuk do kishte një urdhër birësimi nga njerku – që do të thotë se nëna surrogate ruan prindërimin ligjor dhe përgjegjësinë prindërore për fëmijën.
Gjyqtarja Justice Theis urdhëroi që fëmija do vijonte të jetonte me prindërit homoseksualë por do kalonte kohë edhe me nënën surrogate.
“Ndërsa shumë marrëveshje zëvendësuese funksionojnë me shumë sukses, ky rast ofron një ilustrim të qartë të vështirësive që mund të hasen nëse marrëveshja prishet”, tha gjyqtari.
