Një ditë para mbylljes së garës për drejtorin e ri të Policisë së Shtetit, 13 zyrtarë e ish-zyrtarë kanë aplikuar për postin e ri, pas dorëheqjes së Muhamet Rrumbullakut pak ditë më parë.
Pas dorëheqjes së Rrumbullakut një ditë para mbledhjes me drejtorët e policisë në 12 qarqe, ministri i Brendshëm Hoxha tha se ka ardhur koha për ndërtimin e një policie të brezit tjetër duke paralajmëruar ndryshime rrënjësore dhe afrimin e më shumë drejtuesve të rinj.
13 zyrtarët që kanë aplikuar
Lutfi Minxhozi: Minxhozi prej shumë vitesh ka shërbyer si Drejtor i Krimit Ekonomik në Policinë e Shtetit dhe njëherësh dhe Drejtor i Interpol Tirana.
Ilir Proda: Proda aktualisht është pjesë e drejtorisë së Policisë në Elbasan.
Idajet Faskaj: Drejtor i Departamentit të Mbrojtjes së Dëshmitarëve
Neritan Nallbati: Drejtor i Departamentit për Policinë Kriminale.
Skënder Hita: Drejtor i Policisë së Durrësit.
Gentjan Shehaj: Akademia e Policisë.
Ardian Çipa: Drejtor i Policisë së Gjirokastrës.
Sami Rasha: Ish-drejtori i Shërbimit të Kontrollit të Brendshëm aktualisht pedagog në Akademi.
Altin Mena: Zëvendësdrejtor për Rendin dhe Sigurinë në Policinë e Lezhës
Edmond Sulaj: Drejtor i Policisë së Shkodrës.
Pëllumb Seferi: Zyra e Interpolit.
Adriatik Tafçiu: Ish-shef i Sektorit të Planifikimit dhe Kurrikulave në Akademinë e Sigurisë, ish-zëvendësdrejtor për Hetimin e Krimeve dhe Sigurinë në Policinë e Dibrës.
Shemsi Prençi: Ish-drejtor i Policisë së Korçës, ish-drejtori i Policisë së Fierit, ish-drejtor i FNSH-së, ish-drejtor i Emergjencave.
