Presidenti Zelensky tha të mërkurën se “Plani i tij i Fitores”, që synonte të sillte paqen në Ukrainë duke e mbajtur vendin të fortë dhe duke shmangur të gjitha “konfliktet e ngrira”, tani ishte i përfunduar pas shumë këshillimeve.
Zelensky u zotua muajin e kaluar t’ia paraqesë planin e tij presidentit të SHBA-së Joe Biden, me sa duket javën e ardhshme kur ai të marrë pjesë në seancat e Këshillit të Sigurimit të OKB-së dhe Asamblesë së Përgjithshme.
Ndërsa ofronte përditësime ditore mbi përgatitjen e planit, Zelensky ka zbuluar pak të dhëna për përmbajtjen, duke treguar vetëm se synon të krijojë kushte të pranueshme për Ukrainën, tashmë e bllokuar në luftë me Rusinë për më shumë se dy vjet e gjysmë.
“Sot, mund të thuhet se plani ynë i fitores është plotësisht i përgatitur. Të gjitha pikat, të gjitha fushat kryesore të fokusit dhe të gjitha shtesat e nevojshme të hollësishme janë përcaktuar,” tha Zelensky në fjalimin e tij video.
“Gjëja më e rëndësishme është vendosmëria për ta zbatuar atë.
Plani tha Zelenskiy, nuk ka asnjë alternativë për paqen, “asnjë ngrirje të luftës apo ndonjë manipulim tjetër që thjesht do e shtynte agresionin rus në një fazë tjetër”.
Të martën, presidenti tha se një takim me komandantët e lartë kishte prodhuar “përmbajtje të mirë dhe të fortë” në aspektin ushtarak, “pikërisht atë lloj që mund të forcojë ndjeshëm Ukrainën”.
Zelensky ka përdorur si bazë për negociatat një plan paqeje që ai paraqiti në fund të vitit 2022, duke bërë thirrje për tërheqjen e të gjitha trupave ruse, rivendosjen e kufijve postsovjetikë të Ukrainës dhe një mjet për t’i kërkuar Rusisë llogari për pushtimin e saj.
