Franca nuk përjashton vendosjen e trupave në Ukrainë, ka thënë ministri i Çështjeve Evropiane, Benjamin Haddad, duke këmbëngulur se presidenti Macron u qëndron deklaratave të tij të mëparshme për këtë çështje. BE-ja “ka për detyrë të mbështesë më tej Ukrainën” në luftën e saj me Rusinë, këmbënguli Haddad.
Macron fillimisht tregoi mundësinë e vendosjes së ushtarëve të NATO-s në terren në Ukrainë në shkurt, por u përball me kundërshti nga anëtarët e tjerë të bllokut ushtarak të udhëhequr nga SHBA-ja.
Në një intervistë me “Berliner Zeitung” të Gjermanisë të botuar të martën, Haddad deklaroi se “Presidenti Macron ka thënë se nuk duhet të përjashtojmë asgjë dhe kjo qëndron ende”.
Perëndimi duhet të “mendojë veçanërisht misionet stërvitore”, shtoi ministri.
I pyetur nëse kishte frikë nga përshkallëzimi i mundshëm i luftës nëse ky skenar do realizohej, Haddad akuzoi Rusinë për mbylljen e të gjitha përpjekjeve për një zgjidhje diplomatike.
Ministri gjithashtu mbrojti lejimin e Kievit të përdorë raketa me rreze të gjatë të furnizuar nga Perëndimi për të goditur objektivat thellë brenda Rusisë.
