Donald Trump, kandidati republikan për president, do të mbajë sot një fjalim në kuadër të fushatës elektorale në Pensilvani, vendin ku u përball me një atentat të dështuar më 13 korrik. Ky fjalim zhvillohet një muaj para zgjedhjeve presidenciale të 5 nëntorit.
Sipas Reuters, në këtë tubim pritet të jetë edhe Elon Musk, CEO i Tesla dhe pronar i platformës X, që do të shfaqë mbështetje për Trumpin në këtë ngjarje të rëndësishme.
Atentati i parë ndaj Trumpit, i cili rezultoi në një plagosje të lehtë në veshin e tij të djathtë, nxori në pah mangësitë në sigurinë e ish-presidentit. Pas ngjarjes, masat e sigurisë u forcuan në eventet e tij të tjera.
Përveç kësaj, Trump shpëtoi nga një atentat i dytë më 15 shtator, kur një person i armatosur u fsheh në një fushë golfi të tij në Florida për ta vrarë, por u pengua nga një agjent i Shërbimit Sekret që ishte duke patrulluar zonën.
