Një 37-vjeçar shqiptar është ekzekutuar mbrëmjen e djeshme në Itali.
Viktima është identifikuar si Beni Arshiaj ndërsa ngjarja e rëndë ndodhi në në periferi të Pizës.
I riu u qëllua pak pasi kishte parkuar furgonin ndërsa ishte me të biri.
Dyshohet se viktima është qëlluar nga dy persona që u larguan nga vendi i ngjarjes me shpejtësi me motoçikletë.
Në vendin e ngjarjes janë gjetur pesë gëzhoja ndërsa 37-vjeçari ka marrë vetëm një plumb në zonën e barkut që i ka shkaktuar vdekjen.
