Të paktën pesë njerëz vdiqën dhe mbi 100 u shtruan në spital në qytetin jugor indian Chennai pasi mbi 1.5 milion njerëz morën pjesë në një shfaqje ajrore të dielën. Veprimtaria iu kushtua përvjetorit të Forcave Ajrore Indiane të festuar më 8 tetor.
Qindra mijëra njerëz mbetën të bllokuar pas festës, të mbajtur në plazhin Marina të qytetit, dyshohet se për shkak të bashkërendimit të dobët nga autoritetet e trafikut, sipas raporteve të mediave.
Një pjesëmarrës i tha Reuters se nuk kishte ujë të disponueshëm në festë, pavarësisht vapës dhe se ai pa njerëz që u ra fikët për shkak të mungesës së ujit dhe të nxehtit. Rrugët pranë vendit të ngjarjes u bllokuan për shkak të frekuentimit të lartë, shtoi ai.
M.K. Stalin, kryeministri i shtetit, njoftoi 500,000 rupi (rreth 6,000 dollarë) ndihmë financiare për familjet e viktimave.
Duke hedhur poshtë akuzat për “planifikim të dobët dhe keqmenaxhimi” të bëra nga partitë opozitare në shtet, Stalini tha të hënën se të gjitha ishin organizuar si duhet.
“Për shkak të kësaj rrëmuje u shmang,” tha Stalini.
“Herën tjetër, ne do përqendrohemi më shumë dhe do i organizojmë shumë më më mirë ngjarje të tilla,” shtoi ai, sipas Times of India.
Të gjitha vdekjet u shkaktuan nga “çështje të lidhura me nxehtësinë”, tha të hënën Ma Subramanian, ministri i Shëndetësisë i Tamil Nadu. Ai gjithashtu u bëri thirrje partive politike dhe mediave që të mos politizojnë këtë çështje.
Tamil Nadu ka regjistruar temperatura të larta gjatë gjithë vitit, duke nxitur planet nga qeveria e shtetit për të shpallur valët e të nxehtit si një fatkeqësi specifike të shtetit. Temperaturat të dielën arritën në 35 gradë Celsius.
