Dy fëmijët më të mëdhenj të kryeministrit të ndjerë italian Silvio Berlusconi thuhet se po takohen me këshilltarë për të diskutuar mënyrat për të rikthyer në pushtet partinë politike të babait të tyre dhe për të sfiduar partinë qeverisëse të kryeministrit Giorgia Meloni, “Fratelli D’Italia”, raportoi Bloomberg të martën.
Silvio Berlusconi ndërroi jetë vitin e kaluar në moshën 86-vjeçare. Ai ishte kryeministri më jetëgjatë i Italisë i pasluftës, duke qeverisur vendin për pjesën më të madhe të viteve 1990 dhe 2000 në krye të partisë “Forza Italia”, të cilën ai e themeloi në 1994.
Sipas Bloomberg, që nga fundi i korrikut, fëmijët e Berlusconit, Marina dhe Pier Silvio, janë takuar me trashëgimtarin politik të babait të tyre, Gianni Letta dhe ish-presidentin e Parlamentit Evropian, i cili tani është ministër i Jashtëm i Italisë, Antonio Tajani. Fëmijët e Berluskonit thuhet se kanë ndarë ide me ta mbi ekonominë, perandorinë e tyre të biznesit si dhe të ardhmen e partisë Forza Italia.
Marina, 58 vjeç, aktualisht drejton kompaninë Holding të familjes Berlusconi, Fininvest SpA, ndërsa vëllai i saj Pier Silvio, 55 vjeç, është në krye të konglomeratit mediatik MediaForEurope, i njohur më parë si Mediaset.
Gazeta pretendon se klani Berlusconi ka synuar të largohet nga bota e korporatave dhe të rinovojë radhët e vjetra të Forza Italia dhe ta çojë atë në pikën ku mund të sfidojë partinë “Fratelli D’Italia”, partnerin e saj të koalicionit.
Fëmijët e kryeministrit të ndjerë thuhet gjithashtu se janë përpjekur të ndikojnë në politikën e qeverisë, me sa duket duke u përpjekur të parandalojnë vendosjen e taksave të reja mbi fitimet bankare, sipas Bloomberg.
“Fëmijët e Berluskonit”, tha për Bloomberg Giovanni Orsina, kreu i departamentit të politikës në Universitetin LUISS në Romë. Ai sugjeroi që një nga fëmijët e Berlusconit madje mund të “pushtojë skenën” nëse Meloni kalon “në modalitetin e krizës” dhe krijon një vakum pushteti.
Raporti i Bloomberg vjen pasi partia e Melonit e ka gjetur veten në mosmarrëveshje me disa nga aleatët e saj politikë, si dhe shërbimet e inteligjencës së vendit, ndërsa Roma ka qenë gjithashtu në përplasje me Brukselin për politikën buxhetore.
