Ilir Meta, Presidenti i Partisë së Lirisë, ka deklaruar se rreth 80% e popullsisë së Shqipërisë jeton në varfëri ekstreme ose në prag të varfërisë.
Ai ka përmendur shifrat që përfshijnë personat që marrin ndihmë ekonomike, pensionistët, invalidët dhe të papunët, duke argumentuar se përjashtimi social dhe frikësimi masiv janë mjete që qeveria aktuale, të cilën ai e quan “Rilindja”, përdor për të ruajtur pushtetin.
Meta ka kritikuar mënyrën se si qeveria menaxhon situatën e varfërisë dhe përjashtimit social në vend. “Rreth 80 për qind e popullsisë në vendin tonë jeton në kushtet e varfërisë ekstreme deri në kufirin e varfërisë. Kjo është “fytyra” sociale e “Rilindjes” dhe kupolës së saj të papërgjegjshme. Përjashtimi social dhe intimidimi në shkallë të gjerë janë rrugët që “Rilindja” ka zgjedhur për të sunduar në mënyrë antidemokratike dhe çnjerëzore. E gjithë rritja ekonomike e vendit përfitohet nga një pakicë e lidhur me Qeverinë dhe nga vetë ajo.”, shkruan Meta.
