Ish-deputeti i PS, Jurgis Çyrbja, u arrestua mbrëmjen e 20 tetorit nga SPAK për lidhje me grupet kriminale.
Ai akuzohet për “Korrupsion aktiv zgjedhor”, “Përkrahje e autorit të krimit” dhe “Tregtimi i sekretit shtetëror”, duke u vendosur në arrest me burg nga GJKKO.
Së bashku me të, u arrestua edhe Ahmet Masha, kunati i vëllait të Çyrbjes, i njohur për të kaluar kriminale.
Sipas burimeve, Çyrbja dyshohet se ka strehuar Altin Hajrin, i kërkuar për organizimin e rrëmbimit dhe vrasjes së Jan Prengës në 2020. Informacionet janë mbledhur nga komunikimet në platformën SKY ECC.
Çyrbja ka pasur edhe një tjetër çështje për “shpërdorim detyre” lidhur me legalizimet gjatë kohës që drejtonte hipotekën e Durrësit.
Arrestimi i tij vjen në një kontekst më të gjerë të hetimeve për krimin e organizuar dhe korrupsionin në Shqipëri.
