17 palestinezë, përfshirë fëmijë, u vranë të enjten në një sulm izraelit në një shkollë në kampin Nuseirat në pjesën qendrore të Rripit të Gazës, tha spitali Aëda.
Ushtria izraelite tha se kishte goditur një qendër komandimi dhe kontrolli të Hamasit të vendosur në një kompleks të përdorur më parë si shkollë në Nuseirat.
Shpresat se vrasja e kreut të Hamasit, Yahya Sinëar, mund të ofrojë një dritare për përfundimin e luftimeve kanë qenë të dobta, pavarësisht nga një kor ndërkombëtar që i kërkon Izraelit të shfrytëzojë mundësinë.
Në pjesën veriore të enklavës, ku zona rreth qytetit të Jabalia ka qenë objektivi i një operacioni njëjavor, ushtria tha se kishte evakuuar një numër të madh njerëzish dhe kishte arrestuar më shumë se 200 militantë të dyshuar.
“Në vend që të arrihet një armëpushim, lufta ka rifilluar në Gazën veriore. Ne jemi të rrethuar, të uritur dhe të goditur nga nga ajri dhe toka” i tha Reuters një banor i Jabalia përmes një aplikacioni chat.
Të enjten, mjekët në Spitalin Indonezian, një nga tre objektet që ende funksionojnë në zonë, thanë se një nga kolegët e tyre u vra nga zjarri izraelit dhe një tjetër u ndalua rrugës për në punë.
Zyrtarët shëndetësorë në tre spitalet, të cilët thonë se u kanë mbaruar furnizimet mjekësore, ushqimore dhe karburanti, kundërshtuan urdhrat e Izraelit për të evakuuar objektet ose për të lënë pacientët pa mbikëqyrje.
