Një 47-vjeçar çoban, i cili kishte humbur kontaktet me pronarin e stanit që prej datës 21 tetor, është gjetur i pajetë ditën e djeshme në një mal në Selenicë.
47-vjeçari nga Elbasani me iniciale E.G ishte punësuar si çoban në atë zonë prej kohësh. Por për fat të keq ai u gjet dje pa shenja jete në malin e fshatit Gjormë.
Njoftimi i policisë
Stacioni i Policisë Selenicë referoi materialet në Prokurori, për vlerësim, pasi më datë 24.10.2024, në malin e fshatit Gjormë, dyshohet se ka humbur jetën, për shkaqe natyrale, shtetasi E. G., 47 vjeç, banues në Elbasan, i cili ishte punësuar si çoban në atë zonë dhe prej datës 21.10.2024 kishte humbur kontaktet me pronarin e stanit ku punonte.
Materialet iu referuan Prokurorive, për veprime të mëtejshme.
