Fox News parashikon se republikani Donald Trump ka fituar shtetin e Pensilvanisë, gjë që do të mbyllte shanset e demokrates Kamala Harris për të fituar presidencën e SHBA-së.
Rrjetet e tjera dhe ofruesit e të dhënave nuk kanë bërë ende një parashikim në këtë shtet.
Sipas Edison Research, Trump ka fituar tashmë shtetet e Karolinës së Veriut dhe Xhorxhias në zgjedhjet presidenciale të së martës në SHBA, duke e çuar atë më pranë përfundimit të një rikthimi mahnitës politik katër vjet pasi u largua nga Shtëpia e Bardhë.
Donald Trump pritet të mbërrijë së shpejti në festën e vëzhgimit të fushatës së tij në West Palm Beach, Florida, ku pritet të flasë.
Donald Trump u fotografua me Elon Musk dhe Dana White, kreun e UFC, në rezidencën e tij në Mar-a-Lago të Floridas.
Trump kryeson me 267 vota nga 270 që duhen për president sipas projeksioneve të Fox News ndërsa Harris ka mbledhur 226 vota.
