Donald Trump mbajti fjalimin përpara mbështetësve ku shpalli fitoren edhe pse numërimi i votave nuk ka përfunduar ende por projeksionet i japin fitoren ish-presidentit.
Trump falënderoi amerikanët dhe i premtoi se do luftojë për të ardhmen e tyre për një Amerikë me prosperitet.
Në fjalim Trump tha se do marrë rreth 315 vota elektorale.
“Falenderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me presporitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Michigan Alaska etj që do të na lejojë 315 vota elektorale. Nuk kishte asnjë rrugë tjetër përveç fitores. Kemi fituar gjithashtu votën popullore që është madhështore”, tha ai.
