Kremlini tha të premten se nuk parashikon që sanksionet ndaj Rusisë të hiqen kur Donald Trump të marrë presidencën e SHBA.
Zëdhënësi Dmitry Peskov po komentonte një raport të Financial Times këtë javë duke pretenduar se institucionet financiare perëndimore shpresojnë se kufizimet e vendosura ndaj Moskës do lehtësohen nën administratën e re.
I pyetur drejtpërdrejt nëse Kremlini ka pritshmëri për lehtësimin e sanksioneve, përgjigja e Peskov ishte e qartë: “Jo, nuk e presim.”
Financial Times tha se tregtarët perëndimorë dhe menaxherët e portofolit po diskutojnë mundësinë e kthimit në tregun rus, duke spekuluar për një ndryshim të mundshëm në politikën e Uashingtonit pas fitores së Trump.
“Të gjitha bisedat sot në mëngjes janë vetëm se si të tregtohet me Rusinë dhe nëse sanksionet do hiqen”, citohet të ketë thënë një menaxher që foli në kushte anonimiteti. Megjithatë, sipas Peskov, Kremlini nuk bën aksione në spekulime.
Rusia mbetet vendi më i sanksionuar globalisht, një politikë për të cilën vetë Trump kontribuoi gjatë mandatit të tij të parë.
SHBA dhe aleatët e saj kanë futur një numër rekord kufizimesh kundër Rusisë për shkak të konfliktit në Ukrainë, duke ngrirë rreth 300 miliardë dollarë në asete që i përkasin shtetit rus, si dhe duke sanksionuar individë dhe subjekte, duke përfshirë ato në energji, metale dhe miniera si dhe sektorët financiarë.
