Një aksident ka ndodhur në aksin “Korçë-Pogradec” pasditen e sotme.
Dy mjete janë përplasur me njëri-tjetrin.
Nga përplasja kanë mbetur të lënduar dy drejtuesit e mjeteve dhe një nga pasagjerët.
“Rreth orës 15:30, në aksin rrugor “Korçë-Pogradec”, janë përplasur automjeti tip “Benz” me drejtues shtetasin B. Xh. me automjetin tip “Seat” me drejtues shtetasin O. Xh.
Si pasojë e aksidentit janë dëmtuar të dy drejtuesit e automjeteve dhe pasagjeri në automjetin tip “Seat”, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të aksidentit”-njofton policia.
