Të paktën dhjetë persona kanë humbur jetën dhe disa të tjerë janë lënduar nga një zjarr që ka shpërthyer në një azil pranë Zaragozës, në verilindje të Spanjës, njoftojnë shërbimet e emergjencës.
Zjarri shpërtheu në orët e para të mëngjesit të së premtes, rreth orës 05:00, në qytetin Villafranca de Ebro.
Zyrtarët lokalë thanë se në kohën e incidentit në azil jetonin më shumë se 80 persona, përcjell BBC.
Sipas raportimeve lokale, qendra ishte hapur 16 vite më parë si një azil për të moshuarit, por vitet e fundit ishte specializuar në kujdesin për rezidentët me probleme të shëndetit mendor.
