Policia ka arrestuar Luan Taragjinin, 58 vjeç, banues në fshatin Grabovë, i shpallur në kërkim për tentativë vrasjeje. Në shtator të vitit 2017, në fshatin Lenie, Taragjini ka tentuar të vrasë me armë gjahu shtetasin L. T.
Taragjini ishte dënuar me 10 vite burg nga Gjykata e Apelit Tiranë për veprën penale “Vrasja me dashje” mbetur në tentativë.
Njoftimi i policisë
Gjatë operacionit, shërbimet e Policisë kanë kapur në Gramsh shtetasin Luan Taragjini, 58 vjeç, banues në fshatin Grabovë.
Ky shtetas ishte shpallur në kërkim kombëtar pasi Gjykata e Apelit të Juridiksionit të Përgjithshëm Tiranë, me vendimin e datës 21.10.2024, e ka dënuar me 10 vite burg për veprën penale “Vrasja me dashje” mbetur në tentativë.
Shtetasi Luan Taragjini, në shtator të vitit 2017, në fshatin Lenie, ka tentuar të vrasë me armë gjahu shtetasin L. T.
Materialet i kaluan Prokurorisë, për veprime të mëtejshme procedurale.
